|
LES
RUES D’CRO par Désiré OSSON
Si quelqu’un
demandait
Pourquoi donc
travailler
Pour des choses
futiles
Avec Edmond
Rostand
Alors je
répondrais
Parce que c’est
plus beau
Lorsque c’est
inutile
Chin que j’vas
raconter
Cha s’ra dev’nu
réel
L’jour que cha
paraîtra
Din l’Journal
Officiel
Ch’est déjà mis in
route
Din in grand’nomb
de villes
Po pu long qu’à
Roubaix
Cha n’est po
difficile
Et ch’est Bodart
Timal
Qu’est toudis à la
pache
Qu’a pu donner
l’alarme
A tout sin
voisinache
Et mi, j’vas
dévoiler
Chin qui vo
s’faire à Cro
Vous pourrez vous
rint’compte
Cha s’ra là enne
séquo
Et du qu’ch’est
qu’in va mette
Les tchurés, leu
vitcherre,
Y a pas à hésiter
Din l’rue du
presbytère.
Les trois Suises
des égliches
Qu’y avot’tent
disparus
Ch’est à la
Filature
Qui sont
réapparus.
Les soldats qui
ont donné
L’in monti d’leu
capote
Ch’est contour
Saint-Martin
I n’faut rien
cachi d’autre
Ch’est din la rue
Saint Pierre
Qui devront tous
aller
Les gins, qui, par
malheure
I z’ont perdu leus
clés.
Les débitants
d’toubaque
I n’t’ront po à la
fête
I devront
s’installer
Din l’Quarti
d’l’Alleumette
Pour les batteuses
de cartes
Et la bonne
aventure
Cha s’ro din l’rue
d’l’Avenir(1)
Mais j’in sus po
trop sur.
Ceux qui font du
cresson
Pour eusses ch’est
enne aubaine
Leu domicile y tra
Din l’quemin d’La
Fontaine
Les imploïs d’la
poste
Préposés et
facteurs
Ch’est rue du
téléphone
Qui resteront
achteur
Ceux qui veul’lent
dev’nir vieux
Et cha sans
n’d’avoir l’air
I z’iront senne de
rin
Rester rue d’la
Cent’naire
In faijant de
l’réclame
I aront gramint
d’pratiques
Les marchands
installés
Din l’rue du P’tit
Boutique (2)
Et tous les
courtieux
Comme cha y s’ront
contints
I z’aront leu
majon
Din la rue des
Cardins (3)
Ceux qui sont
difficiles
Pou tcheusir enne
brouette
I z’iront rue d’Tourco
In n’sai pu du les
mette
Si y a gramint d’afants
Qui z’apprintent
l’inglais
C’est din la rue
Holden
Qui devront tous
passer
Pou permette aux
garchons
D’faire monter leu
carcasse
I’ara la rue des
Champs
I n’faut po nu’in
s’tracasse
Ceux qui
n’seit’tent po rire
In ira les vire
Po trop long du
chim’tire
Ch’est din la rue
du Parc
Qu’in mettra
l’jeunes afants
Leu momère à
c’momint
Aront in peu d’bon
temps
Infin pou les
gendarmes
Qui veulent rester
à Cro
Y ara pou les
loger
L’allée Gustave
Nadaud
Din l’ure Blanche
et l’rue Verte
Tous les marchands
d’couleurs
Tern’ront boutique
ouverte
A n’importe quelle
heure.
Tous ceux qui sont
fort maigres
Qu’in appelle
cliquazoches
Faudra pinser pour
eux
D’les mette din la
rue Hoche
Et j’sus seur que
l’z’afants
I t’ront de
c’t’avis là
Povoir aller
rester
Din l’rue Saint
Nicolas
Et tchan
qu’l’homme rint’in r’tard
Et que s’femme
elle trandelle
I n’d’oubliera po
enne
Boulevard de la
Capelle (4)
Tous ceux qui
vit’tent in leu
Et quelque soit
leu z’ache
In les mettra
tertous
Din la rue
d’l’Ermitache (5)
Et ceux qui z’ont
des g’vaux
Actheur ch’est pu
banal
Iront les faire
ferrer
A l’tour du fer à
ch’val.
Les hommes qui
sont in route
Pou boire du
Wambrechies
Y a po d’danger
qui pas’tent
Pa la rue d’la
Lait’rie
Ceux qu’ont enne
vieille majon
Et veullent
déménager
Din la rue
Neuf’faudra (6)
Qu’in tache de les
loger.
Ch’étra plach’des
Martyrs
Qu’in mettra les
ménaches
Du qu’lhomme i
n’est pu maitte
Que l’femme
commante à s’plache
Ceux qui matin et
soir
I drach’tent din
les rues
Ch’est facile à
pinser
I z’iront rue
Perdue
L’z’amoureux qui
s’unich’tent
Pou l’meilleur
comme l’pire
I n’voudront po
aller
Rester din l’rue
Dupire (7)
Ceux qui ont peur
du tchang’mint
I n’d’a gramin à
Cro,
I z’iront rue
d’l’Ouest
Y a jamais rin
d’nouveau
Si jamais par in
tchin
In est mordu
achteur
I faudra
vit’courir
Pou rester rue
Pasteur
Pou ceux qu’ont du
chagrin
Faut n’davoir
compassion
In les faijant
loger
Rue d’la
Consolation
Et tous ces
brav’pompis
I z’aront pou
log’mints
Tous les pu bells
majons
D’l’impasse du
Dévoumint.
J’pinses que tous
les vieilles filles
Cachant à marier
Che s’ra rue
d’l’Espérance
Qui faut les
rallier.
Comme in n’sais po
quo faire
Pour retirer les
gins
Tous les jaupés
ménaches
Qui z’y prindront
log’mint
Y z’aront in
cadeau
Qu’est pas à
dédaigner
Ch’est in moulin
au poif’
In moulin à café
(8)
Comme je n’d’ais
dit asez
Va falloir que
j’arrête
Vu qu’din l’rue
d’la Limite
Enne plache est
déjà prète.
Nouveaux noms de certaines
rues :
(1) rue Alphonse Quennoy
(2) rue Henri Carrette
(3) rue Edouard Herriot
(4) Boulevard Emile Zola
(5) Rue Jules Guesde
(6) Rue Henri Ghesquières
(7) Rue J.B. Delescluse
(8) Lotissement des 2 Moulins.
|